E Shtunë, 20 Mars 2010 12:52

Pranvera, stina e ringjalljes

Zëri i hapave të pranverës prish gjumin e dimrit dhe natyrën e kaplon aroma, freskia dhe lëvizja e hareshme e pranverës.

 Edhe era zgjohet nga gjumi. Toka lëviz dhe lirshëm merr frymë të re. Lulëzon çdo pemë dhe drunjtë ringjallen përsëri. Toka e heq nga kraharori i saj një barrë të rëndë dhe qielli, tokës ia prezanton një diell me plot rreze dhe ndriçim. Dhe vjen pranvera. Nëse vështron me kujdes do ta vëresh se lëvizja dhe rilindja e natyrës është një plan madhështor dhe tepër artistik. Sikur bota e krijimit është një libër e hapur që flet në çdo gjuhë të botës dhe përcjellë këtë mesazh: "Bari i gjelbër i botës është zbukurim i botës".

Qëllimi i krijimit është përsosmëria dhe lumturia e njeriut. Dmth. ngritje nga bota fizike dhe atë metafizike dhe afrim me Zotin Fuqiplotë. Njëra nga rrugët e njohjes së Zotit është studimi në ekzistencë dhe natyrë. Të menduarit për bukuritë e botës ndihmon në hapjen e horizonteve drejt kuptimit të së vërtetës absolute. Mjafton që njeriu të hedhë një vështrim në thellësitë e këtyre bukurive natyrore. Rregulli dhe disiplina në natyrë është një shembull i mjaftueshëm që flet për një vepër madhështore artistike e cila njeriun e udhëzon drejt ekzistencës së pafund. Që nga fillimi i historisë së njerëzimit e deri më tani, madhështia e botës së ekzistencës i ka detyruar shumë shkencëtarë të thellohen në mendime dhe studime për sistemin e gjithësisë dhe dinamikës së tij. Të menduarit se kjo botë është e krijuar në bazë të një sistemi dhe disipline, në mendjet e njerëzve që kërkojnë të vërtetën krijon një rizgjim dhe perceptim të jashtëzakonshëm. Në këtë stinë mjafton t'i hidhni një sy lulëzimit pemëve dhe drunjve dhe vlimin e ujit të pastër nëpër ujëvara. Shikoni se si ka çelur filizat e drunjve dhe di buzëqesh lulja, prandaj dhe gjithë kjo bukuri mahnitëse njeriun e detyron të mendojë më thellë në lidhje me atë që e rrethon.

Ndryshimi i stinëve është njëra nga fuqitë më të perceptueshme të Zotit të Madhërishëm.  Në çdo fe hyjnore flitet për freskimin dhe bukuritë e stinës së pranverës dhe theksohet që të merren mësime dhe këshillime nga kjo stinë. Edhe në letërsinë botërore pranvera kuptohet si simbol i të mirave, shëndetit, paqes dhe çdo gjë që ka të bëjë me pastërtinë dhe të bukurën.

Erdh pranvera, gëzohu dhe përvjelju punës 

Çelin shumë lule me aromë të këndshme, ti përsëri të mbetesh në baltë?

Në bari, çdo flet është një fletore e një gjendjeje tjetër

Mjerë për atë që nuk i përvilet punës

Pranvera nënkupton rizgjimin e qiellit, buzëqeshjen e luleve, zhurmën e zogjve dhe ripërtrirjen e natyrës. Natyra është stina e ndryshimit. Natyra është zgjuar dhe me urdhrin e Zotit ka hequr pluhurin nga vetja dhe është freskuar dhe gjallëruar. Në fenë islame natyra konsiderohet si krijesë e Zotit dhe manifestim i mëshirës së Tij. Në suren Nahl të Kur'anit, në ajetin 65 thuhet: "All-llahu lëshoi prej qiellit ujë (shi0 dhe me të ngjalli tokën pas vdekjes së saj. Në këtë është një argument i fortë për ata që më vëmendje dëgjojnë (e kuptojnë)". Pamja e ndryshimit të mahnitshëm të natyrës është një mësim mjaft i dobishëm për ne, që të mësojmë për ringjalljen tonë në botën tjetër. Duhet të mendojmë për veten dhe të mos neglizhojmë misionin tonë në këtë jetë. Imam Aliu thotë: "Në e sotmja jote është e njëjtë sikur e djeshmja, më të vërtetë je një humbës i madh".

Kur rrethinat e fushave mbulohen me gjelbërime, drunjtë marrin pamjen e gjelbër, këndon bilbili dhe çdo gjë në natyrë merr pamje të re dhe të këndshme, atëherë për ne krijohet një rast shumë i mirë për të organizuar një festë madhështore. Kjo festë është në shenjë të falënderimit të Zotit dhe të mirave që Ai na ka dhënë në stinën e pranverës. Festa e Nevruzit gjithashtu është një manifestim me kuptim të thellë i njerëzimit, për arsye se është e gërshetuar me humanizëm dhe dashuri dhe në anën tjetër qytetit dhe shoqërisë i jpe një aromë dhe bukuri të këndshme.

Në realitet, festa e Nevruzit në fillim të pranverës thekson dimensionin më të veçantë të jetës njerëzore dhe ai është gjallërimi, freskimi i trupit dhe shpirtit dhe lëvizja e vitaliteti i tij. Gjithashtu në Nevruz duhet t'i kushtojmë rëndësi edhe të vërtetës së njeriut. Nevruzi i shoqëruar me pranverën na lajmëron për një jetë të re dhe njeriun e detyron që të bëjë një ndryshim rrënjësor në vete dhe rrethin ku jeton. Ky ndryshim realizohet me përpjekje dhe spiritualitet. Me një shprehje tjetër, Nevruzi tërheq interesin e njerëzve për arsye se është fillimi i stinës së pranverës, në të cilën ndërrohen stinët.  Kështu që, megjithëse ndryshimi i stinëve është një proces natyror, por duke u thelluar në te ne mund që në vete të ndryshojmë shumë gjëra dhe të freskojmë gjithashtu edhe mendjen edhe shpirtin. Zemrat tona mund t'i mbushim me besim, dashuri dhe humanizëm dhe duke kryer vepra të mira dhe duke ndihmuar të tjerët, në rrethin ku jetojmë të përhapim njerëzinë dhe të mirën. Në shpirtrat tona duhet ta largojmë skepticizmin dhe përtacinë dhe të fillojmë një jetë të re me plot hare dhe dinamizëm.

Në lidhje me këtë. Lideri Suprem i Iranit, Ajetullah Khamenei thotë: "Nuk duhet harruar se vullneti i njeriut luan rolin kryesor gjatë ndryshimeve. Në qoftë se njeriu dëshiron të bëjë ndryshime në shoqërinë, shtetin dhe në jetën e tij, atëherë ai në fillim duhet të ndryshojë brendësinë e tij. Ndryshimi moral dhe i brendshëm, ikja drejt njerëzimit, nënshtrimi me devotshmëri para Zotit Fuqiplotë janë ndryshime  që sigurojnë lumturinë e njeriut".

Stina e pranverës është stina e ringjalljes dhe Nevruzi është një festë e rizgjimit që ndihmon njeriun të përfitojë dije dhe njohuri, ashtu siç ka thënë edhe hz. Muhammedi s.a.v.s.: "Ai i cili nuk kupton dhe nuk mëson nga ndryshimet e kësaj bote, është njeriu më i humbur në këtë jetë".

Nevruzi është lutje për të ndryshuar dhe për tu gjelbëruar. Kështu që në kohën e ndryshimit të viteve, i ngremë duart lartë  dhe nga Zoti kërkojmë që në brendësinë tonë të krijojë ndryshimin më të shkëlqyeshëm. Madje edhe nëse kemi gjendje të mirë, nga Ai kërkojmë që këtë gjendje të na bëjë edhe më të mirë. Në lutjen e Nevruzit themi: "O Ndryshues i zemrave dhe shikimeve tona, o mbikëqyrës i natës dhe i ditës, o ndryshues i gjendjes dhe gjendjeve tona, na ndrysho gjendjen tonë në formën më të mirë që është e mundur".

Pranvera është mësim për njohjen e Zotit dhe botës tjetër. Kur'ani i Shenjtë, festën e pranverës e prezanton si ndriçim të jetës dhe ringjallje në botën tjetër. Në ajetin 9 të sures Fater thuhet: "All-llahu është Ai që i lëshon erërat, e ato i lëkundin retë dhe Ne i derdhim ato në një vend të thatë dhe me atë ujitje e ngjallim tokën pas vdekjes së saj. Ja, kështu është ringjallja”. Al'lame Tabatabai, komentuesi i madh i Kur'anit, shkruan: "Zoti i ditën e ringjalljen në ditën e kiametit e krahason me rizgjimin e tokës me qëllim që neve të na bëjë me dije se ashtu që çdo njeri që lind padyshim se do ta shijojë edhe vdekjen. Kur përfundon jeta e njeriut në tokë ai përsëri do të ringjallet dhe pasi të ringjallet ai shpërndahet në tokë". Prandaj dhe është thënë se ardhja e pranverës na përkujton ringjalljen.

Nëse njerëzit marrin mësim nga kjo natyrë e bukur atëherë këtë stinë mund ta quajmë një fillim të ri dhe të mbarë dhe ditë të re, e mbushur me plot gëzime dhe hare. Në qoftë se njerëzit me ndryshimin e stinëve ndryshojnë edhe brendësitë e tyre, atëherë me të vërtetë atyre duhet t'i themi 'Urime Nevruzi".

 

Pranvera ka gjelbëruar dhe zbukuruar fushat dhe malet

Fytyrat e i ka bërë të qeshura

Rrugët mbushen plot gëzim dhe lumturi

Në tokë fillojnë dashuri të reja

Poeti iranian, Hafezi duke numëruar gjithë këto të mira të pranverës, beson se megjithë këto bukuri dhe të mira të pranverës, dhe sidomos çeljes së luleve dhe drunjve, njeriu nuk duhet të lidhë zemër për këto. Për arsye se gjithë këto bukuri janë të kalueshme dhe me ardhjen dhe ikjen e stinëve duhet të kuptojmë për ardhjen dhe ikjen e gjeneratave. Në këtë mes mësojmë se nuk duhet t'i besojmë gjërave të kalueshme, por duhet ta shfrytëzojmë këtë rast që e kemi në këtë jetë.

Bilbil, mos u mashtro nga buzëqeshja e trëndafilit

Nëse kjo jetë ka të mira, nuk duhet besuar trëndafilit

 

 

 

 

Add comment


Security code
Refresh

Programet

  • Ukraina në ferrin e Lindjes dhe Perëndimit  - 2014-09-13
    Ukraina në ferrin e Lindjes dhe Perëndimit

    Ne Emer Te Zotit

    Gjatë muajve të fundit, Ukraina po përballet me një situatë tragjike. Në fakt, ky vend është kthyer në arenë të konfrontimit gjeopolitik mes Rusisë dhe perëndimit dhe deri tani krizës në Ukrainë nuk po i duket fundi.

    Vështrime Politike Add new comment Lexo 124 herë Lexo më shumë ...
  • Evropa në javën që kaloi (25)  - 2014-09-13
    Evropa në javën që kaloi (25)

    Ne Emer Te Zotit

    Xhorxh Gallovi, komentator i rrjetit televiziv Press Tv dhe deputet në parlamentin britanik, është sulmuar fizikisht për shkak të deklaratave të tij anti-izraelite. Xhorxh Gallovi në një intervistë me Press Tv, që u publikua javën e kaluar, tha se sulmi ndaj tij është sulm ndaj parlamentarizmit dhe demokracisë në Britani dhe për fat të keq parlamenti britanik ka heshtur përballë këtij sulmi.

    Evropa në javën që kaloi Add new comment Lexo 116 herë Lexo më shumë ...
  • Irani në pasqyrën javore (24)  - 2014-09-12
    Irani në pasqyrën javore (24)

    Ne Emer Te Zotit

    Lideri suprem i Revolucionit islamik javën e kaluar zhvilloi një takim me presidentin dhe anëtarët e kabinetit qeveritar me rastin e Javës së qeverisë. Pasi nderoi dhe kujtoi martirët Muhamed Ali Raxhaji dhe Muhamed Xhavad Bahonar, ish president dhe kryeministër i Iranit, lideri suprem tha:

    Irani në pasqyrën javore Add new comment Lexo 127 herë Lexo më shumë ...
  • Reagimi i Amerikës ndaj akteve terroriste, nga 11 Shtatori e deri tani  - 2014-09-12
    Reagimi i Amerikës ndaj akteve terroriste, nga 11 Shtatori e deri tani

    Ne Emer Te Zotit

    Jemi në prag të 13 vjetorit të sulmeve terroriste të 11 Shtatorit 2001 në SHBA dhe aktualisht grupi terrorist ISIS dhe grupe të tjera të ngjashme me të, çdo ditë po masakrojnë njerëz të pafajshëm në Irak, Siri dhe vende të tjera. Ish presidenti amerikan Bush, disa orë pas sulmit kundër kullave binjake në Nju Jork, foli për luftën kundër terrorizmit.

    Vështrime Politike Add new comment Lexo 130 herë Lexo më shumë ...
  • Amerika në një vështrim të brendshëm…25  - 2014-09-12
    Amerika në një vështrim të brendshëm…25

    Ne Emer Te Zotit

    Javën e kaluar, grupi terrorist ISIS ekzekutoi me prerje të kokës një tjetër gazetar amerikan në Siri. Stiven Sotlof. Pas njoftimeve për ekzekutimin e gazetarit amerikan Steven Sotloff, nga grupi ISIS, disa ligjvënës amerikanë kërkuan veprime urgjente nga Shtetet e Bashkuara kundër ISIS. Qeveria amerikane deklaroi se do të dërgojë 350 trupa shtesë në Irak.

    Amerika Në Një Vështrim Add new comment Lexo 120 herë Lexo më shumë ...
  • Hixhabi dhe ndikimi i tij në shëndetin e individit dhe shoqërisë  - 2014-09-07
    Hixhabi dhe ndikimi i tij në shëndetin e individit dhe shoqërisë

    Hixhabi konsiderohet si një nga mësimet më të rëndësishme dhe më të avancuara të Islamit që ka një ndikim të madh për femrën dhe shoqërinë. Në këtë emision do të flasim mbi disa efekte të hixhabit në shëndetin e femrave në kuptimin individual dhe shoqëror.

    Islam Add new comment Lexo 241 herë Lexo më shumë ...