E Mërkurë, 29 Korrik 2009 04:06

Shpallet rezultati përfundimtar i zgjedhjeve ne Shqipëri

Sample ImageIRIB- Zyrtarët zgjedhorë në Shqipëri kanë konfirmuar se Partia Demokratike e kryeministrit, Sali Berisha, ka fituar në zgjedhjet e 28 qershorit. Sipas zyrtarëve të zgjedhjeve, PD-ja ka fituar 68 vende deputetësh, ndërsa aleatët e saj, Partia Republikane dhe Partia për Demokraci dhe Integrim, kanë marrë nga një vend deputeti. Nga ana tjetër, Partia Socialiste ka fituar 65 mandate, ndërsa aleati i saj, Partia Për të Drejtat e Njeriut, ka fituar një mandat. Lëvizja Socialiste për Integrim ka fituar 4 mandate në Kuvendin e Shqipërisë, që përbëhet prej 140 deputetësh. Tashmë dihet se në qeverinë e ardhshme të Shqipërisë do të përfshihen koalicioni i udhëhequr nga PD-ja dhe Lëvizja Socialiste për Integrim e Ilir Metës, që në Kuvend do të kenë shumicën prej 74 mandateve. Kjo është hera e parë që nga rënia e komunizmit që në Shqipëri të formohet qeveri koalicioni. Që nga ajo, rivaliteti kryesor për marrjen e pushtetit në Shqipëri ka qenë midis dy partive kryesore, asaj Demokratike dhe PS. Socialistët në zgjedhjet e fundit arritën të fitojnë 65 vende në parlamentin shqiptar, mirëpo ata vazhdojnë me kontestimin e zgjedhjeve duke mos pranuar rezultatin përfundimtar të tyre. Lideri socialist është disi më i rreptë ndaj kësaj çështje kurse miqtë e tij në PS pothuajse kanë pranuar rezultatin e zgjedhjeve. Tashmë duket se këto qëndrime të kundërta në radhët e socialistë janë bërë shkak për paraqitjen e mosmarrëveshjeve të thella midis tyre. Në rezolutën e paraqitur nga anëtari i kryesisë të PS-së Ben Blushi dënohen veprimet e qeverisë për deformimin e zgjedhjeve ashtu si në rezolutën e Ramës, por kërkohet të pranohet humbja. Rezoluta e Blushit kërkon përgatitjen e një analize të thellë të humbjes, respektimin rigoroz të statutit që parashikon ndërprerje të mandatit të kryetarit në rast të humbjes së zgjedhjeve. Blushi theksoi se opozita duhet të jetë realiste, të njohë atë që ka ndodhur në 28 qershor dhe të jetë e pranishme në kuvendin e ri. "Për shkak të asaj që ndodhi më 28 qershor dhe nuk ndodhi ajo që ne prisnim, PS duhet të hyjë në një proces normal të një reflektimi të strukturave të saj duke respektuar rregullat e statutit" u shpreh Blushi. Ndërkohë Blushi theksoi se pozicioni i Ramës në PS nuk është në vullnetin e tij, ndërsa nënvizoi se në kongresin e jashtëzakonshëm , që pritet të mbahet pas 3 javësh, do të merret vendimi për kryetarin e ri të socialistëve. Sipas Pandeli Majkos bisedimet e asamblesë po ecin me ritme normale, ndërkohë që ka pohuar se përkrah rezolutën e paraqitur nga kreu i PS-së Edi Rama. "Shpreha mendimin në Asamble, preferoj rezolutën e propozuar nga Rama pasi ka të bëjë me faktin e qëndrimit politik të Partisë Socialiste me zgjedhjet e 28 qershorit, elementët e tjerë i takojnë kongresit të PS" theksoi Majko. Lideri aktual i PS-së, Edi Rama ka theksuar se nuk i njeh rezultatet e zgjedhjeve dhe kërkon zgjedhje të parakohshme.

 

Add comment


Security code
Refresh

Programet

  • Irani në pasqyrën javore 23  - 2014-08-31
    Irani në pasqyrën javore 23

    Ne emer te Zotit

    Na bazë të kalendarit ceremonial të Iranit, kjo javë përkon me javën e qeverisë. 2 Shahrivari i vitit 1939 H.Sh, që përkon me 4 gushtin e vitit 2014 është nisja e javës së qeverisë në RII. Muhamed Ali Raxhaji, ish president dhe Muhamed Xhavad Bahanar ish kryeministër, kanë humbur jetën në vitin 1981 gjatë një shpërthimi terrorist në zyrën e kryeministrit, akt i kryer nga grupi terrorist Monafekin. Për të nderuar kujtimin e këtyre martirëve data nga 24-30 gusht ose java e parë e muajit Shahrivar sipas kalendarit H.Sh, në Iran është quajtur javë e qeverisë. Hasan Ruhani presidenti i RII së bashku me anëtarët e kabinetit të tij qeveritar me rastin e javës së qeverisë vizitoi mauzoleun e imam Khomeinit (ra) ku nderoi dhe respektoi themeluesin e RII dhe shprehu besnikërinë me aspiratat e tij. Për këtë kemi përgatitur një raport të cilin ju ftojmë ta ndiqni në vazhdim.

    Irani në pasqyrën javore Add new comment Lexo 123 herë Lexo më shumë ...
  • Shkaqet dhe rrethanat e konfliktit në Libi  - 2014-08-31
    Shkaqet dhe rrethanat e konfliktit në Libi

    Libia është një shtet i cili njihet si depoja e naftës së Afrikës, këtyre ditëve është shndërruar në arenë të luftimeve të ashpra. Përleshjet mes grupeve të armatosura dhe njëkohësisht përpjekjet e paramilitarëve dhe grupeve të armatosura për të marrë kontrollin në zonat kyçe të kryeqytetit të Libisë si dhe mbi terminalet në zonat naftore në lindje të Libisë,

    Vështrime Politike Add new comment Lexo 118 herë Lexo më shumë ...
  • Begatit e shumta të Hazreti Masume (s.a.)  - 2014-08-29
    Begatit e shumta të Hazreti Masume (s.a.)

    Në këtë program do të flasim rreth virtyteve të larta të Hazreti Masume (s.a.) dhe begatitë e saj për qytetin Kum të Iranit.

    Dita e parë e muajit Dhil-Kade të vitit 173 h. është përvjetori i lindjes së Hazretit Masume (s.a.). Ajo ishte e bija e Imam Musa Kazem (a.s.) dhe e zonjës Naxhma Khatun.

    Islam Add new comment Lexo 147 herë Lexo më shumë ...
  • OKB, dështuesja e madhe e krizës së Gazës  - 2014-08-29
    OKB, dështuesja e madhe e krizës së Gazës

    Gaza më një sipërfaqe rreth 360 km2 dhe me një popullsi mbi 1.5 milionë banorë, është një prej rajoneve me popullsi më të dendur në botë. Ky qytet palestinez përveç se është nën bllokadë të hekurt që nga viti 2007 e deri më tani, shumë herë është sulmuar nga ushtria e regjimit sionist. Regjimi sionist më 8 korrik 2014 përsëri filloi agresionin kundër Gazës.

    Vështrime Politike Add new comment Lexo 144 herë Lexo më shumë ...
  • Përmasat e ndryshme të konfliktit mes Rusisë dhe Perëndimit  - 2014-08-29
    Përmasat e ndryshme të konfliktit mes Rusisë dhe Perëndimit

    Me kalimin e disa muajve nga kriza në Ukrainë dhe me zgjerimin e përmasave të kësaj krize edhe konfrontimi mes Rusisë dhe perëndimit ka marrë përmasa pa precedente. Për herë të parë pas luftës së ftohtë po vërejmë një konfrontim mes lindjes dhe perëndimit në përmasa të ndryshme ushtarake, politike dhe ekonomike.

    Vështrime Politike Add new comment Lexo 146 herë Lexo më shumë ...
  • Irani në pasqyrën javore 22  - 2014-08-29
    Irani në pasqyrën javore 22

    Në emër të Zotit 

    Lideri suprem i Revolucionit Islamik javën e kaluar në takim me ministrin e jashtëm, ambasadorë dhe funksionarë të përfaqësive të Iranit në vende të botës, vuri theksin mbi nevojën e një diplomacie aktive dhe inteligjente në këtë periudhë tepër të ndjeshme në arenën ndërkombëtare.

    Irani në pasqyrën javore Add new comment Lexo 137 herë Lexo më shumë ...